गृहजिल्ला चितवन आएका गृहमन्त्री तथा नेकपा नेता रामबहादुर थापा बादललाई नेकपाका कार्यकर्ताले कालो झन्डा देखाएका छन् । नेकपा ओली पक्षको सभालाई सम्बोधन गर्न चितवन पुगेका थापालाई प्रचण्ड–नेपाल समूहका कार्यकर्ताले कालो झन्डा देखाएका हुन् ।
भरतपुर विमानस्थल परिसरमा कार्यकर्ताले बादल ‘लाल–गद्दार, असंवैधानिक कुको मतियार’ लेखेको ब्यानरसहित बेलुन उडाएर विरोध जनाएका थिए । भरतपुरको हाकिमचोकमा उनलाई बाइकमा आएका केही युवाले कालो झन्डासमेत देखाएका थिए।