Read Time : < 1 मिनेट
२०७७ पौष २० सोमबार १४:३४:००
५० वटा गोलीसहित त्रिभुवन अन्तर्राष्ट्रिय विमानस्थलमा एक युवक पक्राउ परेका छन् । काठमाडौंबाट झापा जान लागेका बद्रीहाङ राईलाई प्रहरीले चेकजाँचको क्रममा पक्राउ गरेको हो ।
राई आमासँग श्री एयरलाइन्सबाट झापा जाने क्रममा पक्राउ परेका हुन् । उनी नेपाल प्रहरीका भूपू नायब निरीक्षकका छोरा हुन् ।
काठमाडौंस्थित घरमा रहेको गोली बुबाले लिएर आउन भनेपछि आफूले लैजान लागेको उनले प्रारम्भिक सोधपुछमा बताएका छन् ।
महानगरीय प्रहरी वृत्त गौशालाले राईलाई थुनामा राखी अनुसन्धान अघि बढाएको छ । प्रारम्भिक छानबिनमा सो गोली अवैध भएको खुलेको छ ।
विमानस्थल प्रहरी प्रमुख एसएसपी राजेश बाँस्तोलाका अनुसार बरामद भएका गोली नाै एमएमका छन् ।