संसद् विघटनविरुद्ध सर्वाेच्च अदालतमा परेका रिटको सुनुवाइ सुरु भएको छ।
संसद् विघटनविरुद्ध परेका १२ वटा रिटको सुनुवाइ प्रधानन्यायाधीश चोलेन्द्रशमशेर जबराको एकल इजलासमा परेका छन् । १२ मध्ये तीनवटा रिटमाथि सुनुवाइ सुरु भएको सर्वोच्चले जनाएको छ।
कञ्चन न्यौपाने, अमृत खरेल र अधिवक्ता लोकेन्द्र ओलीलगायतले दर्ता गरेको रिटमाथि सुनुवाइ सुरु भएको छ।
प्रधानमन्त्री केपी ओलीले यही पुस ५ मा प्रतिनिधिसभा भंग गरी आगामी वैशाख १७ र २७ मा मध्यावधि निर्वाचन गर्न गरेको सिफारिस राष्ट्रपति विद्यादेवी भण्डारीले सोही दिन सदर गरेकी थिइन्।
संसद् विघटन असंवैधानिक भएको दाबीसहित राष्ट्रपति र प्रधानमन्त्रीसमेतलाई विपक्षी बनाई सर्वोच्चमा एक दर्जन रिट परेका छन् ।