संसद् विघटन भएसँगै सभामुख अग्निप्रसाद सापकोटा सिंहदरबार पुगेका छन् ।
उनले अबको बाटोबारे संसद् सचिवालयसँग सल्लाह गर्दै छन् । उनी संसद्का महासचिव र सचिवहरूसँग सल्लाह गरिरहेका छन् ।
बिहानभरि निवासमै रहेका सापकोटा दिउँसो मात्र सिंहदरबार पुगेका हुन् । संसद् विघटन भएसँगै संविधानको धारा १०३ लाई चासोका साथ हेरिएको छ ।
संविधानको धारा १०३(२) भन्छ, ‘यस संविधानको अधीनमा रही संघीय संसद्को प्रत्येक सदनलाई आफ्नो काम–कारबाही र निर्णय गर्ने पूर्ण अधिकार रहनेछ र सदनको कुनै कारबाही नियमित छ वा छैन भनी निर्णय गर्ने अधिकार सम्बन्धित सदनलाई मात्र हुनेछ । यस सम्बन्धमा कुनै अदालतमा प्रश्न उठाइने छैन ।’