भक्तपुरको हनुमन्ते खोलामा बालिकाको शव फेला

भक्तपुरको राधेराधेस्थित हनुमन्ते खोलामा एक अपरिचित बालिकाको शव वेवारिसे अवस्थामा भेटिएको छ । महानगरीय प्रहरी परिसर भक्तपुरका अनुसार बालिाको शव सडेगलेको अवस्थामा भेटिएकाले सनाखत हुन सकेको छैन ।

बालिकाको उमेर अन्दाजी आठ बर्षको छ । भक्तपुर परिसरका प्रमुख एसपी हिमालय श्रेष्ठले शनिवार विहान करिब ११ बजेको समयमा शव भेटिएको बताए । उनले भने,‘राधेरोधस्थित खोलामा ए बालिकाको शव वेवारिसे अवस्थामा भेटिएको छ । शवको सनाखत हुन सकेको छैन । घटना सम्वन्धमा अनुसन्धान भइरहेको छ ।’ प्रहरीका अनुसार शवलाई पोष्ट मार्टम रिपोर्टका लागि महाराजगन्जस्थित शिक्षण अस्पताल लगिएको छ ।