बिहीबार दिउँसोदेखि बेपत्ता भएका सप्तरीको तिलाठी कोइलाडी गाउँपालिका– ३ सकरपुराका ६ वर्षीय बालक आनन्द मुखियाको शव फेला परेको छ ।
घरबाहिर खेल्न निस्केका स्थानीय रोहित मुखियाका छोरा आनन्द बिहीबार दिउँसोदेखि बेपत्ता भएका थिए । उनको खोजी गर्ने क्रममा शुक्रबार बिहान परालको थुप्रोमा शव फेला परेको जिल्ला प्रहरी कार्यालय सप्तरीका प्रहरी प्रवक्ता भुवनेश्वर साहले बताए ।
प्रवक्ता साहका अनुसार बालकलाई गाउँकै स.१त ७७५२ नम्बरको ट्याक्टरले ठक्कर दिएर मारेको र घटना लुकाउन चालकले शव परालको थुप्रोमा लुकाएको थियो ।
बालकको शवलाई पोस्टमार्टमका लागि गजेन्द्रनारायण सिंह अस्पताल ल्याइएको छ । घटनाका सम्बन्धमा अनुसन्धान भइरहेको प्रहरीले जनाएको छ ।
बालकलाई ठक्कर दिने ट्याक्टरका चालक फरार छन् । उनको खोजी भइरहेको प्रहरी प्रवक्ता साहले बताए ।