Read Time : < 1 मिनेट
२o८१ बैशाख ३१ सोमबार १२:o१:oo
बाजुरामा अत्यधिक बढेको चिसोका कारण एक युवकको मृत्यु भएको छ ।
बडिमालिका नगरपालिका– ९ मार्तडीमा चिसोले कठ्यांग्रिएर एकजनाको मृत्यु भएको प्रहरी कार्यालय बाजुराले जनाएको छ ।
घरको भुइँतलामा चिसोले मृत्यु भएको अवस्थामा फेला पारेको जिल्ला प्रहरी कार्यालय बाजुराका प्रहरी निरीक्षक तथा सूचना अधिकारी बलेन्द्र नाथले जानकारी दिए ।
मृत्यु हुनेमा ३७ वर्षीय लालबहादुर विक रहेको उनले जानकारी दिए ।
मृतक विक घरभित्र भुइँ तलामा मृत अवस्थामा फेला परेको र स्थानीयले दिएकाे प्रारम्भिक जानकारीअनुसार मृतक आफ्नै लापरबाहीका कारण चिसोले कठ्यांग्रिएर मृत्यु भएको अनुमान गरिएकाे उनले बताए ।
मृतकका आफन्तले आफ्नै लापरबाहीका कारण उनकाे ज्यान गएकाले मृतककाे शव पोस्टमार्टम गर्न नमानेकाे र सहमतिअनुसार हिन्दू परम्पराअनुसार दाहसंस्कार गरिएको उनले जानकारी दिए ।