त्रिभुवन विश्वविद्यालयका उपप्राध्यापक प्रेम चलाउनेमाथि सांघातिक आक्रमण भएको विषयलाई लिएर विद्यार्थीले प्रदर्शन गरेका छन् । आक्रमणको दुई महिना बित्दा पनि न्याय नपाएको भन्दै विद्यार्थीले प्रदर्शन गरेका हुन् ।
विश्वविद्यालयभित्र प्रदर्शन गरेका विद्यार्थीले अदालतको आदेशप्रतिसमेत आक्रोश व्यक्त गरेका छन् । उनीहरूले काठमाडौं जिल्ला अदालतका न्यायाधीश अम्बिकाप्रसाद निरौलाको आदेश बदनीयतपूर्ण भएको भन्दै आक्रोश व्यक्त गरे ।
प्रदर्शनपछि अपिल जारी गर्दै विद्यार्थीले विश्वविद्यालयभित्र भय र त्रासको वातावरण रहेकाले विश्वविद्यालयको गरिमा बचाउन सहयोग गरिदिन आग्रह गरेका छन् । ‘विश्वविद्यालयमा अहिले भय र त्रासको वातावरण छ, अपराधीहरू खुलेआम हिँडिरहेका छन्, तर उनीहरूमाथि कुनै सजाय हुँदैन’ प्रदर्शनमा सहभागी विद्यार्थी जगत विकले भने ।