काठमाडौं उपत्यकामा पछिल्लो २४ घन्टामा पाँच सय ६१ जना कोरोना संक्रमित थपिएका छन्।

योसँगै उपत्यकामा कोरोना संक्रमितको संख्या एक लाख १० हजार नौ सय ४० पुगेको छ । 

स्वास्थ्य तथा जनसंख्या मन्त्रालयका अनुसार  काठमाडौं जिल्लामा चार सय ५५, ललितपुर जिल्लामा २६ र भक्तपुर जिल्लामा ८० जनामा कोरोना संक्रमण देखिएको छ। 

यस्तै आज काठमाडौंमा पाँच, ललितपुमा एक र भक्तपुरमा एकजना गरी सातजनाकाे कोरोना संक्रमणबाट निधन भएको छ । 

अहिलेसम्म काठमाडौंमा मात्र ८९ हजार दुई सय ८८, ललितपुरमा १३ हजार पाँच सय १९ र भक्तपुरमा आठ हजार ५३ जनामा कोरोना संक्रमण देखिएको छ । 

जसमध्ये काठमाडौंमा तीन सय ९३, ललितपुरमा एक सय १७ र भक्तपुरमा ९३ जनाको कोरोना संक्रमणबाट निधन भएको मन्त्रालयले जनाएको छ । 

आज देशभर १३ सय ४३ जनामा कोरोना संक्रमण देखिएको छ । योसँगै संक्रमितको कुल संख्या दुई लाख ३७ हजार पाँच ८९ पुगेको छ।