मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १६ शुक्रबार
  • Friday, 29 March, 2024
नयाँ पत्रिका काठमाडौं
२०७७ मङ्सिर १८ बिहीबार १४:०६:००
Read Time : < 1 मिनेट
खेलकुद डिजिटल संस्करण

नवौँ राष्ट्रिय खेलकुद फागुनमा नहुने

Read Time : < 1 मिनेट
नयाँ पत्रिका, काठमाडौं
२०७७ मङ्सिर १८ बिहीबार १४:०६:००

पोखरामा सञ्चालन हुने भनिएको नवौँ राष्ट्रिय खेलकुद प्रतियोगिता फागुनमा नहुने भएको छ । 

राष्ट्रिय खेलकुद परिषद् (राखेप)ले नवौँ राष्ट्रिय खेलकुद आगामी फागुन २० गतेदेखि पोखरामा गर्ने निर्णय गरेको थियो । 

गण्डकी प्रदेशको राजधानी पोखरामा हुन लागेको नवौँ राष्ट्रिय खेलकुदका लागि आवश्यक भौतिक पूर्वाधारअन्तर्गत स्विमिङ, सुटिङ र हकीबाहेक अरू खेलका पूर्वाधारहरू निर्माण भइसकेका छन् । 

स्विमिङ र सुटिङका लागि टेन्डर पारित भएको छ भने हकीका लागि जग्गा खोज्ने कार्य भइरहेको छ । 

खेलका भौतिक पूर्वाधारहरू तयार भए पनि कोरोना संक्रमणको जोखिमका कारण फागुनमा खेल आयोजना गर्न नसकिने राष्ट्रिय खेलकुद परिषद्का सदस्य सम्पन्न श्रेष्ठले बताए ।

नवौँ राष्ट्रिय खेलकुद प्रतियोगिता गण्डकी प्रदेशको राजधानी पोखरामा नै हुने र पूर्वाधारका कारण खेल नरोकिने उनले बताए । 

यद्यपि खेल कहिले हुने भन्ने सम्बन्धमा राखेपले छिट्टै निर्णय गर्ने पनि उनले बताए ।