मादक पदार्थ सेवन गरी सवारी चलाउनेहरूले अब घरमै बसेर ट्राफिक प्रहरीको सचेतना कक्षा लिने पाउने भएका छन् । 

महानगरीय ट्राफिक प्रहरी महाशाखाले भर्चुअल सचेतना कक्षा सुरु गर्न लागेको हो । कोरोना भाइरस संक्रमण जोखिमका कारण भर्चुअल कक्षा सञ्चालन गर्न लागिएको महाशाखाले जनाएको छ । 

लकडाउन सुरु भएयता महाशाखाले सचेतना कक्षा लिएको छैन । 

दिनमा तीनपटक भर्चुअल रूपमा सचेतना कक्षा सञ्चालन गरिने महाशाखाले जनाएको छ । ट्राफिक डट नेपालपुलिस डट जिओभी डट एनपीमा गई अनलाइन क्लासमा क्लिक गरेर यस्तो कक्षा लिन सकिने महाशाखाले जनाएको छ ।