तिहारका वेला हुने सक्ने आपराधिक क्रियाकलाप रोक्न कञ्चनपुरका सीमा क्षेत्रमा कडाइ गरिएको छ । साथै तालिमप्राप्त कुकुर पनि परिचालन गरिएको प्रहरीले जनाएको छ ।
भारतसँग जोडिएको कञ्चनपुरको पश्चिम सीमानाका गड्डाचौकी र पूर्व डोकेबजार सीमा क्षेत्रमा तालिमप्राप्त कुकुर परिचालन गरिएका हुन् ।
जिल्ला प्रहरी कार्यालय कञ्चनपुरले दुवै नाकामा कुकुरमार्फत चेकजाँच सुरु गरेको छ ।
तिहारका वेला विस्फाेटक पदार्थ, लागुऔषध भित्रिन नदिनका लागि विशेष तालिमप्राप्त कुकुर परिचालन गरिएको कञ्चनपुर प्रहरीले जनाएको छ ।
कञ्चनपुर प्रहरी प्रवक्ता अमरबहादुर थापाले दीपावली र छठलाई मध्यनजर गर्दै भित्रिने सक्ने विस्फाेटक पदार्थ पटका र लागुऔषध नियन्त्रणका लागि विशेष कुकुर परिचालन गरिएको बताए ।
भारतबाट अवैध सामान नेपाल भित्रिने सक्ने सम्भावना रहेकाे भन्दै प्रहरीले तिहारको समयमा कुकुर प्रयोग गरेकाे प्रवक्ता थापाले बताए ।