१३औँ इन्डियन प्रिमियर लिग (आइपिएल) को प्ले अफ समीकरण पूरा भएको छ ।
मंगलबार राति सनराइजर्स हैदराबादले साबिक विजेता मुम्बई इन्डियन्सलाई दश विकेटले हराउँदा आइपिएलको प्ले अफ समीकरण पूरा भएको हो ।
अब आठ नोभेम्बरमा मुम्बईले फाइनल स्थान सुरक्षित गर्न दिल्ली क्यापिटल्सको सामना गर्नेछ ।
अर्को खेलमा सनराइजर्सले रोयल्स च्यालेन्जर्स बेंग्लोरविरुद्ध दोस्रो प्ले अफ खेल्नेछ । पहिलो प्ले अफमा पराजित टोली र दोस्रो प्ले अफमा जित निकाल्ने टोलीबीचको विजेताले फाइनल खेल्नेछ । यसपटक दिल्ली र बेंग्लोरसमक्ष पहिलोपटक आइपिएल विजेता बन्ने अवसर छ ।
मुम्बई इन्डियन्स
(स्थान १, खेल १४, जित ९, हार ५)
मुम्बई लगातार दोस्रोपटक उपाधि जित्ने अभियानमा छ ।
चेन्नईसँग उदघाटन खेलमै पराजित मुम्बईले त्यसपछि उत्कृष्ट प्रदर्शन गरी अंक–तालिकाको शीर्ष स्थानमाथि कब्जा जमायो ।
यसपटक पनि प्ले अफ स्थान पक्का गर्न मुम्बईका बलर तथा ब्याट्सम्यानले अहं भूमिका निर्वाह गरेका छन् ।
हैदराबादविरुद्ध लिगकै अन्तिम खेलमा यी दुवै पक्ष मुम्बईको कमजोर नै देखिएको थियो ।
डिकोकले १४ खेलमा चार सय ४३ रन बनाए । किसनले १२ खेलमा चार सय २८ रन जोडेका छन् । बलरमा जसप्रित बुमराहले १३ खेलमा २३ विकेट लिएका छन् । ट्रेन्ट बोल्टले १३ खेलमा २० विकेट हात पारे ।
मुम्बईले यो सिजनमा ६ पटक १ सय ९० रनभन्दा माथि योगफल बनाएको छ । मुम्बईले २०१९, २०१७, २०१५ र २०१३ मा उपाधि जितेको थियो ।
दिल्ली क्यापिटल्स
(स्थान २, खेल १४, जित ८, हार ६)
मुम्बईको प्रतिद्वन्द्वी दिल्लीले पहिलो चरणमा उत्कृष्ट प्रदर्शन गऱ्याे । तर, दोस्रो चरणमा दिल्लीको प्रदर्शनमा उतार–चढाव भयो ।
बलर र ब्याट्सम्यान समान रूपले चम्कँदा दिल्लीले प्ले अफ स्थान सुरक्षित गरेको हो ।
बलर कागिसो रावडाले १४ खेलमा २५ विकेट लिएका छन् । यसैगरी एनरिच नोर्टजेले १३ खेलमा १९ विकेट हात पारेका छन् ।
दिल्लीले सर्वाधिक ६ पटक योगफल रक्षा गर्न सफल हुँदा यी दुवै बलरले उत्कृष्ट बलिङ गरेका थिए । यसैगरी ब्याटिङमा शिखर धवनले पहिलो चरणमा लगातार दुई खेलमा शतकीय इनिङ्स खेलेका थिए ।
आइपिएलमा लगातार दुई खेलमा शतक प्रहार गर्ने उनी एक्लो ब्याट्सम्यान हुन् । स्पिनर रविचन्द्रन आश्विनले १२ खेलमा १० विकेट लिए ।
दिल्लीका मुख्य ब्याट्सम्यान शिखर धवनले १४ खेलमा पाँच सय २५ रन बटुलेका छन् ।
सनराइजर्स हैदराबाद
(स्थान ३, खेल १४, जित ७, हार ७)
लगातार पाँचौँपटक आइपिएलको प्ले अफमा स्थान सुरक्षित गरेको हैदराबादले बलर र ब्याट्सम्यानको उत्तिकै साथ पायो ।
मुम्बईसँग पराजित हुँदा हैदरावाद प्ले अफबाट बाहिरिन्थ्यो ।
कोलकाता नाइटराइडर्स प्ले अफमा पुग्यो । हैदराबादले रनरेटमा कोलकातालाई निराश पारेको हो । हैदरावादको प्रदर्शनमा कप्तान डेभिड वार्नर र मनीष पाण्डेको ब्याटिङ मुख्य मानिएको छ ।
वार्नरले १४ खेलमै ब्याटिङ गरी पाँच सय २९ रन बटुले । मनीषले १४ खेलमा तीन सय ८० रन बनाए ।
हैदराबादका लेग स्पिनर रसिद खान नै मुख्य हतियार हुन् । उनले १४ खेलमा १९ विकेट हात पारेका छन् । यसैगरी युवा बलर सन्दीप शर्माले ११ खेलमा १३ विकेट लिए ।
हैदराबादले २००९ र २०१६ मा उपाधि हात पारेको थियो ।
रोयल्स च्यालेन्जर्स वेंग्लोर
(स्थान ४, खेल १४, जित ७, हार ७)
आइपिएलमा बेंग्लोरको प्रदर्शन कहिले नराम्रो छैन । तीनपटक फाइनल पुगेर पनि उपाधि जित्न नसकेको टोली बेंग्लोर हो ।
राम्रा बलर तथा ब्याट्सम्यान सम्मिश्रण गर्ने बेंग्लोर रनरेटमा हैदराबादभन्दा पछि परेपछि चौथो स्थानमा सीमित भयो ।
यसपटक बेंग्लोरको प्ले अफ स्थान पक्का हुनुपछाडि कप्तान विराट कोहली र देवदत्त पडिक्कलको ब्याटिङ नै हो ।
कोहलीले १४ खेलमा चार सय ६० रन बटुले । युवा भारतीय ब्याट्सम्यान देवदत्तले १४ खेलमा चार सय ७२ रन बनाए । आइपिएलमा सहभागी टोलीमध्ये बेंग्लोरले एक मात्र स्पिनर खेलाडी छन् ।
बेंग्लोरका एक्ला स्पिनर युजवेन्द्र चाहलले १४ खेलमा २५ विकेट हात पारे । बलर क्रिस मोरिसले नाै खेलमा ११ विकेट लिएका छन् । बेंग्लोरले २०१६ पछि आइपिएलको प्ले अफ स्थान पक्का गरेको हो ।
एवि डी भिलियर्सले तीन सय ९८ रन जोडे । २००९, २०११, २०१५ र २०१६ मा बेंग्लोर प्ले अफमा पुगेको थियो ।
यस्तो छ अन्तिम अंक–तालिका
स्थान टोली खेल जित हार अंक रनरेट
१ मुम्बई १४ ९ ५ १८ + १.१०
२ दिल्ली १४ ८ ६ १६ – ०.१०
३ हैदराबाद १४ ७ ७ १४ + ०.६०
४ बेंग्लोर १४ ७ ७ १४ – ०.१२
५ कोलकाता १४ ७ ७ १४ – ०.२१
६ पन्जाव १४ ६ ८ १२ – ०.१६
७ चेन्नई १४ ६ ८ १२ – ०.४५
८ राजस्थान १४ ६ ८ १२ – ०.५६
(एजेन्सीको सहयोगमा)