‘ए’ डिभिजन लिग फुटबल : मच्छिन्द्र क्लब ३-१ गाेल अन्तरले पराजित
शहीद स्मारक ‘ए’ डिभिजन लिग फुटबल प्रतियोगितामा सशस्त्र प्रहरी बल एपिएफले मच्छिन्द्र क्लबलार्इ ३-१ गाेल अन्तरले पराजित गरेकाे छ । खेल सातदोबाटोस्थित एन्फा कम्प्लेक्समा भएकाे थियाे ।
एपिएफका लागि अाशिष लामाले खेलकाे तेस्राे मिनेटमा गाेल गर्दै अग्रता दिलाएका थिए । त्यस्तै पहिलो हाफको १२ औँ मिनेटमा युवराज खड्काले गोल गर्दै एपिएफको अग्रता दोब्बर बनाए । ३४औँ मिनेटमा मच्छिन्द्रका अल्बा एडिमोलाले १ गोल फर्काए ।
खेलको ८८ अाैं मिनेटमा रुपबहादुर लामाले गोल गर्दै एपिएफकाे जित सुनिश्चित गरे । ९ खेल खेलेको एपिएफ अङ्क तालीकाको ८ अाैं स्थानमा छ भने मच्छिन्द्र ३ अङ्कसहित अङ्क तालीकाको १३औँ स्थानमा छ ।
अाजकाे जितसँगै एपिएफले लिगमा १३ अङ्क जोडेको छ । जारी लिगमा मनाङमर्स्याङ्दी क्लब २४ अङ्कका साथ शीर्ष स्थानमा छ । सङ्कटा क्लब गोलअन्तरका आधारमा दोस्रो स्थानमा भने थ्रिस्टार २१ अङ्कका साथ तेस्रो स्थानमा छ ।