कपिलवस्तुको बुद्धभूमि नगरपालिका– १० का वडाध्यक्ष त्रिलोकीप्रसाद खरबिन्दको मृत्यु भएको छ । उनी तत्कालीन संघीय समाजवादी पार्टीबाट वडाध्यक्षमा निर्वाचित भएका थिए । 

दीर्घरोगबाट ग्रसित उनको उपचारको क्रममा शनिबार बिहान मृत्यु भएको परिवारले जनाएका छन् । वडाध्यक्षको मृत्युप्रति नगरप्रमुख केशवकुमार श्रेष्ठले श्रद्धाञ्जली व्यक्त गरेका छन् ।

यसअघि गत भदौ १४ गते यसै नगरपालिका– ७ का वडाध्यक्ष रामेश्वर सिंहको पनि उपचारकै क्रममा मृत्यु भएको थियो । रासस