कोरोना भाइरस संक्रमणका कारण गण्डकी प्रदेशमा थप एकजनाको ज्यान गुमेको छ ।
तनहुँको आँबुखैरेनीका ३९ वर्षीय पुरुषको शुक्रबार मध्याह्न १२:५५ बजे उपचारका क्रममा चितवन मेडिकल कलेजमा निधन भएको गण्डकी प्रदेश स्वास्थ्य कार्यालय पोखराले जानकारी दिएको छ ।
ती पुरुषमा २९ भदौमा कोरोना संक्रमण पुष्टि भएको थियो ।
उनीसँगै गण्डकी प्रदेशमा ज्यान गुमाउनेको संख्या ३३ पुगेको प्रदेश स्वास्थ्य निर्देशनालयका निर्देशक डा. विनोदबिन्दु शर्माले जानकारी दिए ।
गण्डकी प्रदेशमा शुक्रबार थप आठजनामा कोरोना संक्रमण पुष्टि भएको छ ।
संक्रमित हुनेमा लमजुङका दुईजना र कास्कीको पोखरा महानगरपालिकाका ६ जना रहेको प्रदेश स्वास्थ्य निर्देशनालयले जानकारी दिएको छ ।
योसँगै गण्डकी प्रदेशमा संक्रमितको संख्या तीन हजार ६ सय १२ पुगेको छ ।