चन्द्रागिरि हिल्स लिमिटेडले दसैँ–तिहारको अवसर पारेर विशेष अफर सार्वजनिक गरेको छ । कम्पनीद्वारा पर्वद्धित चन्द्रागिरि केबलकारमा ५० प्रतिशत छुट र चन्द्रागिरि हिल्स रिसोर्टमा ६ हजार ५ सय रुपैयाँमा एक जोडीका लागि ब्रेकफास्ट र डिलक्स रुमसहितको प्याकेज सार्वजनिक गरेको हो । 

यो अफर १५ मंसिरसम्म लागू हुने कम्पनीले जनाएको छ । ऐतिहासिक, सांस्कृतिक तथा प्राकृतिक महत्व बोकेको चन्द्रागिरि डाँडामा यस कम्पनीले भालेश्वर महादेव मन्दिर, सत्तल, भ्यू टावर, चिल्ड्रेन पार्क, सेमिनार हल र रिसोर्टलगायतका पूर्वाधार निर्माण गरेको छ ।

चन्द्रागिरि डाँडालाई एकीकृत पर्यटकीय गन्तव्यका रूपमा विकास गरिरहेको कम्पनीले जनाएको छ ।