लमजुङको बेसीसहरमा चट्याङ लागेर एकजनाको मृत्यु भएको छ । एकजना घाइते भएका छन् । सोमबार साँझ चट्याङ लागेर बेसीसहर नगरपालिका- ६ पुमागाउँका ४२ वर्षीय सन्ते विक घाइते भएका थिए ।
घाइते भएका विकको जिल्ला सामुदायिक अस्पतालमा उपचारका क्रममा मृत्यु भएको जिल्ला प्रहरी कार्यालय लमजुङका प्रहरी नायव उपरीक्षक गंगाबहादुर थापाले जानकारी दिए ।
यसैगरी चट्याङ लागेर सोही वडामा बस्ने २२ वर्षीया चिजा गुरुङ घाइते भएकी छिन् । उनकाे जिल्ला सामुदायिक अस्पतालमा उपचार भइरहेकाे छ ।