Read Time : < 1 मिनेट
२०७७ असोज ५ सोमबार १३:११:००
बाग्लुङको निसीखोला गाउँपालिकामा एक वृद्ध मृत अवस्थामा फेला परेका छन् ।
निसीखोला गाउँपालिका– ६ गुममा ७४ वर्षीय देउमने बुढा मगर मृत अवस्थामा फेला परेका हुन् ।
तरकारीको रूपमा प्रयोग गरिने निउरो टिप्न बिहान जंगलमा गएका बुढा दिनभर घर नफर्किएपछि आइतबार साँझ मृत अवस्थामा फेला परेको जिल्ला प्रहरी कार्यालय बाग्लुङका डिएसपी राजेन्द्र रेग्मीले जानकारी दिए ।
घटनाबारे थप अनुसन्धानका लागि इलाका प्रहरी कार्यालय बुर्तिबाङका प्रमुख प्रहरी निरीक्षक प्रकाशसिंह भण्डारी नेतृत्वको टोली घटनास्थलतर्फ गएको रेग्मीले बताए ।
