सञ्चारसचिव हरिप्रसाद बस्यालले समयमै क्लिन फिड लागू हुने बताएका छन्।
सोमबार विकास तथा प्रविधि समितिको बैठकमा बोल्दै उनले यही कात्तिक ८ गतेभित्र लागू हुने बताए ।
सञ्चारसचिव बस्यालले भने, ‘सञ्चार मन्त्रालयले विज्ञापनरहित प्रसारणका लागि सेवाग्राहीलाई आवश्यक निर्देशन दिएका पनि छौँ । मन्त्रालयले ०७७ कात्तिक ८ बाट क्लिन फिड लागू गर्ने तयारी गरेको छ, लागू गरिछाड्छ।’
विज्ञापन बोर्ड गठन गर्नका लागि हप्ता दिनभित्रै नियमावली पनि तयार हुने उनको भनाइ छ ।
बोर्डलाई चाहिने बजेट, जनशक्ति पनि तयारी अवस्थामा रहेको उनको भनाइ छ। कात्तिक ८ गतेभित्र कर्मचारी नियुक्ति, पदाधिकारी नियुक्तिलगायतका काम सकिने गरी काम भइरहेको उनले बताए ।