पालिका अपडेट
डिजिटल संस्करण
कोरोना संक्रमणबाट थप ११ जनाको निधन, संक्रमणबाट निधन हुनेको संख्या चार सय नाघ्यो
Read Time : < 1 मिनेट
२०७७ असोज ३ शनिबार १६:३८:००
कोरोना संक्रमणबाट पछिल्लो २४ घन्टामा थप ११ जनाको निधन भएको छ ।
योसमेत देशभर संक्रमणबाट हालसम्म निधन हुनेको संख्या चार सय एक पुगेको छ ।
स्वास्थ्य तथा जनसंख्या मन्त्रालयका अनुसार सात महिला र चारजना पुरुषको निधन भएको हो ।
मृत्यु हुनेमा ललितपुरका दुई महिला र एक पुरुष गरी तीनजना, काठमडौंका एक महिला र एक पुरुष गरी दुईजना, मोरङ, रौतहट, सर्लाही, मकवानपुरका एक–एक महिलाको मृत्यु भएको छ ।
त्यसैगरी बाँके र रुपन्देहीका एक–एक पुरुषको मृत्यु भएको मन्त्रालयका प्रवक्ता डा. जागेश्वर गौतमले बताए ।