प्रधानमन्त्री केपी शर्मा ओलीले कोरोना महामारीसँग जुध्नुबाहेक अर्काे विकल्प नभएको बताएका छन् । संविधान दिवस २०७७ का अवसरमा सैनिक मञ्च टुँडिखेलबाट देशवासीका नाममा विशेष सम्बोधन गर्दै प्रधानमन्त्री ओलीले यस्तो बताएका हुन् ।
सुरुका दिनमा कोरोना के हो भन्ने विषयमा अन्योल हुँदा कोरोना महामारीसँग जुध्न समय लागेको प्रधानमन्त्रीले बताए । सरकारले समयमै लकडाउन गरेकाले कोराेना भाइरस भयावह अवस्थामा पुग्न नसकेकाे उनकाे भनाइ छ ।
'सुरुका दिनमा काम गर्न अन्योल भए पनि अहिले अस्पताल, आइसोलेसन बेड र परीक्षणको दायरा बढाइएकाले हामी कोरोना जित्न सक्नेमा ढुक्क छौँ,’ प्रधानमन्त्रीले भने ।