Read Time : < 1 मिनेट
२०७७ असोज २ शुक्रबार ०९:२१:००
रत्ननगर नगरपालिकाका मेयर नारायण वनलाई कोरोना संक्रमण पुष्टि भएको छ । २८ भदौमा स्वाब दिएका वनको १ असोजमा कोरोना पोजेटिभ नतिजा आएको हो ।
मेयर वनले कोरोनासँग मिल्दोजुल्दो सामान्य लक्षण देखिएपछि स्वाब दिएका थिए । स्वाब दिने वेलामा केही लक्षण देखिएको भए पनि अहिले उनको स्वास्थ्य अवस्था सामान्य छ ।
रत्ननगर नगर कार्यपालिकाका प्रेस संयोजक होमनाथ सापकोटाका अनुसार मेयर वन अहिले आफ्नै घरको आइसोलेसनमा छन् ।