- वि.सं २०८१ बैशाख १३ बिहीबार
नेपाल विद्युत् प्राधिकरणका कार्यकारी निर्देशक कुलमान घिसिङ प्राधिकरणबाट बिदाइ भएका छन् ।
सरकारले उनको कार्यावधि नथपेपछि उनी मंगलबारदेखि बिदा भएका हुन् ।
देशलाई लोडसेडिङमुक्त बनाई विद्युत् जडान गरेका घरघरमा नियमित बिजुली आपूर्ति गर्ने मुख्य दायित्व उनले यस कार्यकालमा निर्वाह गरेका थिए ।
सरकारले उनलाई २९ भदौ २०७३ मा प्राधिकरणको कार्यकारी निर्देशकमा नियुक्त गरेको थियो ।
आफ्नो बिदाइ मन्तव्यमा घिसिङले लोडसेडिङले आक्रान्त देशलाई अन्धकारमुक्त बनाएको उनले बताएका छन् ।
साथै उनले आफू नियुक्त हुने वेला प्राधिकरण आर्थिक अवस्थामा सुधार ल्याएको, विद्युत् चुहावट नियन्त्रण गरेको जनाएका छन् ।
घिसिङले आफ्नो यस कार्यकालमा अधिकतम रूपमा ऊर्जा क्षेत्रको सुधारका लागि केन्द्रित रहेको पनि जनाएका छन् ।
