बिपी कोइराला स्वास्थ्य विज्ञान प्रतिष्ठान, धरानका पूर्वउपकुलपति डा. बलभद्रप्रसाद दासविरुद्ध भ्रष्टाचार मुद्दा दायर भएको छ ।
सार्वजनिक पदमा वहाल रहँदा पदको दुरुपयोग गरी गैरकानुनी रूपमा सम्पत्ति आर्जन गरेको पुष्टि भएको भन्दै अख्तियार दुरुपयोग अनुसन्धान आयोगले उनीविरुद्ध मंगलबार मुद्दा दायर गरेको हो ।
उनले सात करोड ७१ लाख ९२ हजार आठ सय ६० रुपैयाँ अवैध सम्पत्ति कमाएको दाबीसहित आयोगले मुद्दा दायर गरेको छ ।
उनीसँग १५ करोड ३२ लाख तीन सय ५० रहेको र त्यसमा सात करोड ७१ लख ९२ हजार रुपैयाँ सम्पत्तिको स्रोत नखुलेको आयोगले जनाएको छ ।
आयोगले उनकी श्रीमती पुनम दासलाई प्रतिवादी बनाएको छ ।