गण्डकी प्रदेशका दुई जिल्लामा थप २० जनामा कोरोना संक्रमण देखिएको छ ।
गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोदबिन्दु शर्माका अनुसार तनहुँमा ११ र गोरखाका नौजनामा संक्रमण देखिएको हो ।
सोमबार थपिएका संक्रमितहरूको कन्ट्याक्ट ट्रेसिङमार्फत स्वाब संकलन गरी क्षयरोग उपचार केन्द्रमा परीक्षण गरिएको डा. शर्माले जानकारी दिए । आज बिहान पनि गण्डकी प्रदेशमा १९ जनामा कोरोना संक्रमण पुष्टि भएको थियो । योसँगै प्रदेशमा कुल संक्रमितको संख्या तीन हजार ११ पुगेको छ । काेराेना संक्रमणबाट हालसम्म २८ जनाकाे मृत्यु भएकाे छ ।