मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १५ बिहीबार
  • Thursday, 28 March, 2024
२०७७ भदौ २७ शनिबार १२:०४:००
Read Time : < 1 मिनेट
पालिका अपडेट

कोरोनाका कारण गण्डकी प्रदेशमा शनिबार दुईजनाको ज्यान गयो, ज्यान गुमाउनेकाे संख्या २४ पुग्यो

Read Time : < 1 मिनेट
२०७७ भदौ २७ शनिबार १२:०४:००

कोरोनाका कारण शनिबार थप दुईजनाको निधन भएसँगै गण्डकी प्रदेशमा ज्यान गुम्याउनेको संख्या २४ पुगेको छ  ।

पोखराको फिष्टेल अस्पतालमा उपचाररत पोखरा– ५ की ४५ वर्षीया एक महिला र पोखरा स्वास्थ्य विज्ञान प्रतिष्ठान पोखरामा उपचाररत स्याङ्जा पुतलीबजार– १ का ८५ वर्षीय पुरुषकाे शनिबार निधन भएकाे हाे ।   

गण्डकी प्रदेश स्वास्थ्य निर्देशनालयका निर्देशक डा. विनोदबिन्दु शर्माका अनुसार फिष्टेलमा उपचाररत पाेखरा– ५ की महिलाको गत राति १:१५ बजे निधन भएकाे हो । 

यता पोखरा स्वास्थ्य विज्ञान प्रतिष्ठानका निर्देशक डा. अर्जुन आचार्यका अनुसार स्याङ्जा पुतलीबजार नगरपालिका– १ का ८५ वर्षीय पुरुषको बिहान ६:३२ बजे मृत्यु भएकाे हो । उनलाई २४ भदौमा कोरोना संक्रमण पुष्टि भएको थियो । संक्रमणपछि आइसियूमा भर्ना गरी उपचार भइरहेको थियो । 

गण्डकी प्रदेशमा ज्यान गुमाउनेमा कास्कीका नौ, गोरखाका चार, स्याङ्जाका तीन, तनहुँका तीन, नवलपुरका तीन र  बाग्लुङ र म्याग्दीका एक–एकजना रहेका प्रदेश स्वास्थ्य निर्देशनालयले जानकारी दिएको छ ।