Read Time : < 1 मिनेट
२०७७ भदौ २२ सोमबार ०६:०५:००
महालक्ष्मी विकास बैंक लिमिटेडले ग्राहकका लागि कोभिड–१९ को पिसिआर परीक्षणका साथै अन्य स्वास्थ्य सेवामा छुट प्रदान गर्ने उद्देश्यले सेन्ट्रल डायग्नोस्टिक ल्याबरोटरीसँग सम्झौता गरेको छ । सम्झौतामा बैंकका कामु प्रमुख कार्यकारी अधिकृत सागर शर्मा र कम्पनीका प्रमुख कार्यकारी अधिकृत उमेशप्रसाद गुप्ताले हस्ताक्षर गरेका हुन् ।
सम्झौताअनुसार बैंकको डेबिट कार्ड तथा मोबाइल बैंकिङ प्रयोग गर्ने ग्राहक, कर्मचारीलगायत कर्मचारीका परिवारले सेन्ट्रल डायग्नोस्टिक ल्याबरोटरीमा उपचार गराउँदा विभिन्न सेवाशुल्कमा छुट पाउने जनाइएको छ । जनरल प्याथोलोजी टेस्टमा अधिकतम २५ प्रतिशत र पिसिआर टेस्टमा अधिकतम १५ प्रतिशत छुट पाउने बैंकले जनाएको छ । बैंकले देशका विभिन्न भागमा १ सय २ शाखामार्फत सेवा दिइरहेको जनाएको छ ।
