Read Time : < 1 मिनेट
२०७७ भदौ २० शनिबार १६:१०:००
विराटनगरस्थित कोसी अस्पतालमा शनिबार एक कोरोना संक्रमित पुरुषको मृत्यु भएको छ ।
कोसी कोभिड– १९ अस्पतालमा भर्ना भएर उपचार गराइरहेका मोरङ धनपालथान गाउँपालिका– ३ का ५५ वर्षीय पुरुषको शनिबार दिउँसो मृत्यु भएको हो । कोभिड अस्पताल प्रशासनका अनुसार मृतक पुरुष शुक्रबार उपचारका लागि भर्ना भएका थिए ।
प्रदेश १ सामाजिक विकास मन्त्रालयका अनुसार शनिबारसम्म मोरङमा मृत्यु हुने संक्रमितको संख्या २१ पुगेको छ ।