विश्वभर कोरोना संक्रमणमुक्त हुनेको संख्या एक करोड ८६ लाख ६५ हजार सात सय ३७ पुगेको छ ।
विश्व स्वास्थ्य संगठन (डब्ल्युएचओ) ले विश्वभर हालसम्म दुई करोड ६४ लाख ७५ हजार पाँच सय ६८ जना संक्रमित भएको शुक्रबार जनाएको छ ।
हाल विश्वभर सक्रिय संक्रमित भने ६९ लाख ३६ हजार पाँच सय ४६ मात्र छन् ।
संक्रमणका कारण आठ लाख ७३ हजार दुई सय ८५ जनाको मृत्यु भएको डब्लुएचओले जनाएको छ ।
यी हुन् संक्रमणबाट बढी प्रभावित दश देश
एब्ल्युएचओका अनुसार कोरोना संक्रमणबाट सबैभन्दा बढी अमेरिका प्रभावित भएको छ । दोस्रो बढी प्रभावितमा ब्राजिल रहेको छ ।
तेस्रो बढी प्रभावित भारत, चाेथौमा रुस, पाँचौंँमा पेरू रहेको डब्ल्युएचओले जनाएको छ ।
त्यसैगरी छैटौँमा कोलम्बिया, सातौँमा दक्षिण अफ्रिका, आठाैँमा मेक्सिको, नवौँमा स्पेन र दशौँमा अर्जेन्टिना काेराेना संक्रमणबाट बढी प्रभावित छन् ।