मुक्तिनाथ विकास बैंकले हायर पर्चेजमा ब्याजदर घटाएको छ । बैंकले १ भदौदेखि लागू हुने गरी ब्याजदर २ प्रतिशतसम्म घटाएको हो । बन्दाबन्दीका कारण अर्थतन्त्रमा परेको असर सँगसँगै अत्यन्त प्रवाहित क्षेत्रका रूपमा रहेको यातायात व्यवसायमा परेको प्रभावलाई मध्यनजर गर्दै ब्याजदर घटाएको बैंकले जनाएको छ ।

यसबाट चैत महिनादेखि भएको बन्दाबन्दीले सानो लगानीमा आफ्नो स्वआर्जन गरी व्यवसाय गर्दै आएका ग्राहकहरूलाई राहत मिल्ने बैंकले विश्वास लिएको बैंकका सूचना अधिकारी तिलबहादुर गुरुङले बताए । बैंकले ४२ जिल्लामा १ सय ३८ शाखामार्फत सबै प्रकारका बैंकिङ सेवा दिइरहेको जनाएको छ ।