जिल्ला सदरमुकाम गमगढीदेखि सोरु गाउँपालिकाको तारापानी बजारतर्फ जाँदै गरेको क.१ज ३२ नम्बरको बोलेर जिप निगाले गाउँको खोलामा दुर्घटना हुँदा एकजनाको मृत्यु भएको छ । अन्य १० जना घाइते भएको जिल्ला प्रहरी कार्यालयले जनाएको छ ।
मृतकको पहिचान खुल्न बाँकी रहेको प्रहरी नायव उपरीक्षक भुवनेश्वरप्रसाद साहले बताए । घाइते १० मध्ये दुईजनाको अवस्था गम्भीर रहेको छ । घाइतेहरूको जिल्ला अस्पताल मुगुमा उपचार भइरहेको छ ।
विपरीत दिशाबाट आएको मोटरसाइकल जोगाउन खोज्दा चिप्लिएर दुर्घटना भएको प्रहरीले बताएको छ ।