जनकपुर नगरपालिकाका पूर्वमेयर कृष्ण गिरीको कोरोना संक्रमणका कारण निधन भएको छ । 

कोरोना संक्रमण भएका उनलाई उपचारका लागि जनकपुरबाट काठमाडौं लगिएको थियो । उनी मुटुसम्बन्धी रोग र उच्च रक्तचापबाट पीडित थिए । 

उपचारका क्रममा उनको गएराति काठमाडौंको मेडिसिटी अस्पतालमा निधन भएको धनुषाका प्रमुख जिल्ला अधिकारी प्रेमप्रसाद भट्टराईले जानकारी दिए । 

उनी ७२ वर्षका थिए । गिरी जनकपुरस्थित होटेल रामाका सञ्चालक पनि थिए ।