गोरु काटेको आरोपमा मोरङमा चारजना पक्राउ परेका छन् । बुधबार मोरङको सुन्दरहरैँचा नगरपालिका– ७ को गछिया खोलाको किनारमा गोरु काटेर मासु भाग लगाउँदै गरेको अवस्थामा चारजनालाई प्रहरीले नियन्त्रणमा लिएको हो  । 

पक्राउ पर्नेमा नवीन तोलांगी, प्रकाश पाँचकोटी, बलबहादुर सार्की र राजन तोलांगी रहेका छन् । उनीहरूलाई प्रहरी चौकी गछियाको टोलीले पक्राउ गरेको हो ।

अन्दाजी ३५ किलोग्राम गोरुको मासुसमेत बरामद गरेको इलाका प्रहरी कार्यालय बेलबारीका प्रहरी निरीक्षक ऋषिराज ढकालले बताए । 

उनीहरुविरुद्ध पशुपक्षीसम्बन्धी कसूरमा कारबाही अघि बढाउन अनुसन्धान सुरु गरिएको इलाका प्रहरी कार्यालय बेलबारीले जनाएको छ ।