- वि.सं २०८१ बैशाख ८ शनिबार
महिन्दा राजापाक्षे श्रीलंकामा चौथोपटक प्रधानमन्त्री बनेका छन् ।
हालै भएको निर्वाचनमा उनको दल श्रीलंका पिपुल्स पार्टीले दुईतिहाइ मत पाएपछि उक्त दलका ७४ वर्षीय राजापाक्षे चौथोपटक प्रधानमन्त्रीका रूपमा शपथ लिएका हुन् ।
श्रीलंकाको कोलम्बोस्थित केलानियामा रहेको एक ऐतिहासिक बौद्ध मन्दिर ‘राजमहा विहार’मा यस शपथग्रहण कार्यक्रम आयोजना गरिएको थियो ।
उनलाई श्रीलंकाका राष्ट्रपतिसमेत रहेका उनका भाइ गाटाभया राजापाक्षेले शपथग्रहण गराएका हुन् ।
शपथग्रहणपछि दुवै दाजुभाइ याने कि राष्ट्रपति र प्रधानमन्त्रीले विहारमा प्रार्थना गरेका थिए ।
यस कार्यक्रमको राष्ट्रपति राजापाक्षेको आधिकारिक फेसबुक पेजमार्फत प्रत्यक्ष प्रसारण गरिएको बिबिसीले जनाएको छ ।
