भारतमा कोरोना संक्रमितको संख्या २१ लाख नाघेको छ ।

पछिल्लो २४ घन्टामा एकैपटक ६४ हजार तीन सय ९९ जनामा संक्रमण पुष्टि भएपछि हालसम्म संक्रमित हुनेको संख्या २१ लाख ५३ हजार पुगेको केन्द्रीय स्वास्थ्य तथा परिवार कल्याण मन्त्रालयले जनाएको छ । 

संक्रमितमध्ये १४ लाख ८० हजार आठ सय ८५ जना निको भएर डिस्चार्ज भएका छन् । अहिले सक्रिय संक्रमित भने ६ लाख २८ हजार सात सय ४७ जना मात्र छन् । 

मन्त्रालयका अनुसार २४ घन्टाको अवधिमा कोरोना भाइरस संक्रमितमध्ये आठ सय ६१ जनाको मृत्यु भएको छ । भारतमा योसहित मृत्यु भएका व्यक्तिको  संख्या ४३ हजार तीन सय ७९ पुगेको छ । 

भारतीय चिकित्सा अनुसन्धान परिषदले शनिबार सात लाख १९ हजार तीन सय ६४ जनाको परीक्षण गरिएको जनाउँदै कोरोना संक्रमण देखिन थालेयता हालसम्म कुल दुई करोड ४१ जनाको नमुना परीक्षण गरिएको बताएको छ ।