भारतको आन्द्र प्रदेशको विजयवाडास्थित स्वर्ण प्यालेस होटेलमा आगलागी हुँदा सातजनाको ज्यान गएको छ । आगलागीमा परी २२ जना घाइते भएकाे भारतीय सञ्चारमाध्यमले जनाएका छन् ।
आन्द्र प्रदेश सरकारले उक्त होटेललाई कोरोना संक्रमितहरूकाे उपचारका लागि ‘केयर सेन्टर’को रूपमा प्रयोग गर्दै आएको थियो ।
प्रदेश सरकारका गृह राज्यमन्त्री मेकाथोटी सुचरिताले दिएको जानकारीअनुसार विद्युत् सर्किट सर्ट भएर होटेलमा आगलागी भएकाे हाे । प्रदेश सरकारका सल्लाहकार एस. राजीव कृष्णाले घटनाको जानकारी ट्विटमार्फत दिएका छन् ।