मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत १५ बिहीबार
  • Thursday, 28 March, 2024
नयाँ पत्रिका काठमाडौं
२०७७ श्रावण २४ शनिबार १४:०२:००
Read Time : < 1 मिनेट
पालिका अपडेट डिजिटल संस्करण

गृहमन्त्री थापाको पिसिआर परीक्षण रिपोर्ट नेगेटिभ

Read Time : < 1 मिनेट
नयाँ पत्रिका, काठमाडौं
२०७७ श्रावण २४ शनिबार १४:०२:००

गृहमन्त्री रामबहादुर थापासहित उनका सुरक्षा र राजनीतिक सल्लाहकारको कोरोना परीक्षण रिपोर्ट नेगेटिभ आएको छ ।

कोरोना संक्रमित प्रदेश २ का आन्तरिक मामिलामन्त्री ज्ञानेन्द्रकुमार यादवसँग क्लोज कन्ट्याक्ट भएकाले थापाको बिहीबार स्वाब लिएर परीक्षण गरिएको थियो ।

१४ साउनमा प्रधानमन्त्री केपी शर्मा ओली सहभागी एउटा कार्यक्रममा गृहमन्त्री थापासहित प्रदेशमन्त्री यादव सहभागी थिए ।

राससका अनुसार त्यसको पाँच दिनपछि मन्त्री यादवलाई कोरोना संक्रमण पुष्टि भएको थियो ।

परीक्षणमा गृहमन्त्री थापा, उनका सुरक्षा सल्लाहकार डा इन्द्रजीत राई, र राजनीतिक सल्लाहकार सूर्य सुवेदीको रिपोर्ट नेगेटिभ आएको किरण भट्टाराईले जानकारी दिए । 

यसअघि प्रधानमन्त्री ओलीसहित उक्त कार्यक्रममा सहभागी उच्चपदस्थ व्यक्तिको परीक्षण रिपोर्टसमेत नेगेटिभ आएको थियो ।