Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ असोज १५ बिहीबार
  • Thursday, 01 October, 2020
२०७७ श्रावण २४ शनिबार ०९:३४:००
मुख्य समाचार डिजिटल संस्करण

रुपन्देहीमा कार दुर्घटना हुँदा तीनको मृत्यु, एक घाइते

२०७७ श्रावण २४ शनिबार ०९:३४:००

रुपन्देहीमा शुक्रबार राति कार दुर्घटना हुँदा तीन जनाको मृत्यु भएको छ । एक जना घाइते भएका छन् । 

जिल्ला प्रहरी कार्यालय रुपन्देहीका अनुसार रुपन्देहीको रोहिणी गाउँपालिका वार्ड नं.४ छिपागढस्थित हुलाकी सडकमा कार दुर्घटना भएको हो । 

परासीवाट भैरहवातर्फ जाँदै गरेको लु.२ च ६७५६ नम्बरको कार आफैँ अनियन्त्रित भई सडकदेखि १० मिटर उत्तरतर्फ पल्टँदा कारमा सवार तीन जनाको मृत्यु भएको जिल्ला प्रहरी कार्यालयका प्रवक्ता डिएसपी खड्कवहादुर खत्रीले जानकारी दिए ।

मृत्यु हुनेहरुमा रुपन्देहीको सिद्धार्थनगर नगरपालिका ४ का २७ वर्षीय देबेन्द्र चौधरी, रुपन्देहीको कोटहीमाई गाउँपालिका ३ मर्यादपुरका २८ वर्षीय नौसाद दर्जी र नवलपरासीको रामग्राम नगरपालिका १२ पथगावाका १२ वर्षीय प्रदिप ठाकुर रहेको प्रहरीले जनाएकाे छ ।

दुर्घटनमा परेर गम्भीर घाइते भएका चारै जनालाई उपचारार्थ भीम अस्पताल भैरहवा लगिएको थियाे । तीन जनाकाे उपचारकाे क्रममा मृत्यु भएको प्रहरीले जनाएको छ ।

दुर्घटनामा परी रुपन्देहीको ओमसतिया गाउँपालिका ४ बालापुरका ३४ वर्षीय अनिल यादव घाइते भएका छन् । उनको मेडिकल कलेज भैरहवामा उपचार भइरहेको र अवस्था सामान्य रहेेकाे प्रहरीले जनाएको छ ।