कालिकोटमा शुक्रबार चार जना कोरोना संक्रमित थपिएका छन् ।
कर्णाली प्रदेश अस्पताल–पशुपन्छी रोग अन्वेषण प्रयोगशाला सुर्खेतमा गरिएको परीक्षणमा चार कोरोना संक्रमित थपिएका हुन् ।
कोरोना संक्रमित हुनेमा सान्नी त्रिवेणी गाउँपालिका ३० वर्षिया पुरुष, २२ वर्षिया महिला, २७ वर्षिया महिला र रास्कोट नगरपालिका २२ वर्षिया पुरुष रहेको स्वास्थ्य सेवा कार्यालय कालिकोटका निमित्त स्वास्थ्य व्यवस्थापन डा. भीष्मप्रसाद पोखरेलले बताए ।
कालिकोटमा कोरोना संक्रमितको संख्या ६७ जना रहेको र त्यसमध्ये ६२ जना कोरोना संक्रमण निको भएर घर फर्किसकेको, हाल तीन जना महिला र दुई जना पुरुषको उपचार भइरहेको स्वास्थ्य सेवा कार्यालय कालिकोटका सूचना अधिकारी कटकबहादुर महतले बताए ।
‘उपचाररत पाँच जनाको स्वास्थ्य अवस्था सामान्य रहेको छ’ उनले भने ।