सरकारले रुग्ण उद्योगको समस्या र सञ्चालन मोडालिटी अध्ययन गर्न ६ सदस्यीय कार्यदल गठन गरेको छ ।
गत सोमबार बसेको मन्त्रिपरिषद् बैठकले रुग्ण उद्योगको पहिचान, वर्गीकरण, पुनरुत्थान, पुनर्निर्माण तथा व्यवस्थापनका लागि सुझाब दिन दीपक सुवेदीको संयोजकत्वमा ६ सदस्यीय समिति गठन गरेको सरकारका प्रवक्ता डा. युवराज खतिवडाले जानकारी दिए ।
यस्तै, बेरुजु फर्स्याेट मूल्यांकन र अनुगमन समितिको सदस्यसचिवमा रमा जोशी दुलाललाई दुई वर्षका लागि मनोनयन गर्ने निर्णय पनि बैठकले गरेको छ ।
नेपाल प्रशासन सेवा, राजपत्रांकित प्रथम श्रेणीका सहसचिव वीरबहादुर राईलाई विशिष्ट श्रेणीको सचिव पदमा बढुवा गर्ने निर्णय पनि बैठकले गरेको छ ।