मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७७ माघ ३ शनिबार
  • Saturday, 16 January, 2021
ad
२०७७ श्रावण २२ बिहीबार १५:३४:००
प्रदेश डिजिटल संस्करण

हुम्लामा दुई महिनामा साढे ६ लाख मूल्यको चिनियाँ मदिरा भित्रियो

२०७७ श्रावण २२ बिहीबार १५:३४:००

हुम्लामा दुई महिनामा साढे ६ लाखबराबरको चिनियाँ मदिरा भित्रिएको छ । 

जिल्लाको खार्पुनाथ गाउँपालिकाभित्र पर्ने कुरिल्लाको जंगलबाट ५१ कार्टुन र सिमकोट गाउँपालिकाको वडा नम्बर ६ को लाग्नबाट ३८ कार्टुन चिनियाँ मदिरा सदरमुकाम भित्रिने क्रममा प्रहरीले बरामद गरेको हो ।

असार २० गते ठेहे प्रहरीचौकीका प्रहरी सहायक निरीक्षक शुक्रराज डाँगीको नेतृत्वमा खटिएको प्रहरीले ५१ कार्टुन चिनियाँ मदिरा बरामद गरेको जिल्ला प्रहरी कार्यालय हुम्लाले जनाएको थियो । 

यो चिनियाँको मूल्यप्रति बोतल ६ सयको दरले ५१ कार्टुनको ६ लाख ४० हजार दुई सय हुन आउँछ ।  

यस्तैगरी सिमकोट गाउँपालिका– ६ को लाग्नाबाट बरामद गरिएको  ३८ कार्टुन चिनियाँ मदिराको मूल्य दुई लाख ७३ हजार रहेको जिल्ला प्रहरी कार्यालय हुम्लाका प्रहरी निरीक्षक सीताराम विष्टले  जानकारी दिए । 

शिव मन्दिर क्षेत्रबाट एक सय ४० लिटर स्थानीय मदिरा पनि बरामद गरी नष्ट गरेको जिल्ला प्रहरी कार्यालय हुम्लाका प्रहरी निरीक्षक विष्टले बताए ।  सोको मूल्य ४० हजार रहेको उनले बताए । 
 

छुटाउनुभयो की ?