नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्ड र नेता सुवासचन्द्र नेम्वाङबीच भेटवार्ता भएको छ ।
बिहीबार दाहालनिवास खुमलटार पुगेका नेम्वाङ र प्रचण्डबीच नेकपामा देखापरेको विवाद समाधानका विषयमा छलफल केन्द्रित रहेको स्रोतले जनाएको छ ।
नेम्वाङले नेकपाका दुई अध्यक्षबीच छलफलबाट निकास निकाल्नुपर्ने सन्देश बोकेर गएको स्रोतले जनाएको छ ।
खासगरी अध्यक्ष दाहाल र अन्य नेताहरूले गुटको भेला गरी आ–आफ्नै अडानमा कायम रहेकाले तत्काल औपचारिक छलफल गर्नुको कुनै औचित्य नरहेको निचोडमा रहेको बालुवाटारका तर्फबाट नेता नेम्वाङ अध्यक्ष दाहाललाई भेट्न पुग्नुलाई अर्थपूर्ण रूपमा लिइएको छ ।