Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ असोज ६ मंगलबार
  • Tuesday, 22 September, 2020
२०७७ श्रावण २१ बुधबार १९:११:००
समाचार

पहिरोले धुन्चे–स्याफ्रुबेंसी सडकको भार्खुडाँडा खण्ड भासियो, रसुवागढी नाका आउजाउ बन्द

२०७७ श्रावण २१ बुधबार १९:११:००

पहिरोले धुन्चे–स्याफ्रुबेंसी सडकखण्डको भार्खुडाँडामा सडक भासिएको छ । सडक भासिँदा चीनसँगको अन्तर्राष्ट्रिय व्यापारिक नाका रसुवागढी जान–आउन पनि बन्द भएको छ । आइतबार राति वर्षासँगै आएको पहिरोले रसुवागढी नाका जोड्ने सडक अवरुद्ध भएको हो ।

करिब पाँच सय मिटर सडक भासिएको छ । सडक सञ्चालनमा आउन करिब एक साता लाग्ने सडक डिभिजन कार्यालय नुवाकोटका प्रमुख राजेशकुमार दासले बताए । ‘एकतर्फी बाटो खुलाउन पनि एक साता लाग्न सक्छ,’ उनले भने,  ‘टेवा पर्खाल निर्माणपछि मात्रै दुईतर्फी बाटो खुल्नेछ ।’  

सडक सुचारु गर्नका लागि बुधबारदेखि काम सुरु भएको छ । सडकको कुनाबाट नयाँ ट्रयाक खोल्ने काम सुरु भएको दासले बताए । बर्खायाम सुरु भएसँगै यो सडक खण्डको विभिन्न स्थानमा पहिरो गएको छ । यसैगरी रसुवागढी नाका जोड्ने छोटो दूरीको मैलुङ–स्याफ्रुबेंसी सडक पनि १ साउनदेखि बन्द छ । नाका जोड्ने सडक अवरुद्ध हुँदा नाकाबाट सामान लिएर गन्तव्यमा जान लागेको २० वटाभन्दा बढी कन्टेनर बीचमै रोकिएको जिल्ला प्रहरी कार्यालय रसुवाले जनाएको छ ।