कोरोना संक्रमण भएका मोरङ जिल्लाको विराटनगर महानगरपालिका– ५ का ७७ वर्षीय पुरुषको निधन भएको छ ।

स्वास्थ्य तथा जनसंख्या मन्त्रालयका अनुसार मधुमेह र रक्तचापका बिरामी उनको सोमबार निधन भएको हो ।

ज्वरो तथा श्वास–प्रश्वासमा समस्या आएपछि मंगलबार नै कोसी अस्पतालको आइसोलेसनमा उनलाई भर्ना गरिएको थियो । 

योसँगै कोरोना संक्रमणबाट मृत्यु हुनेको संंख्या ५८ पुगेको मन्त्रालयका प्रवक्ता डा. जागेश्वर गौतमले बताए ।