उपत्यका काठमाडौंका तीन जिल्लामा सोमबार थप ५१ जनामा कोरोना संक्रमण पुष्टि भएको छ
काठमाडौं जिल्लामा ४३ जना, ललितपुरमा तीन जना र भक्तपुरमा पाँच जना संक्रमित भएको स्वास्थ्य तथा जनसंख्या मन्त्रालयले जनाएको छ ।
शुक्रराज ट्रपिकल तथा सरुवा रोग अस्पतालमा काठमाडौंका १७ जना, राष्ट्रिय प्रयोगशाला टेकुमा गरिएको परीक्षणमा काठमाडाैंका आठ र भक्तपुरका एक जनामा संक्रमण पुष्टि भएको हो ।
त्यसैगरी वीर अस्पतालमा गरिएको परीक्षमा काठमाडौंका दुई जना, नेपाल प्रहरी अस्पतालमा काठमाडौंका दुई जना, त्रिवि शिक्षण अस्पतालमा गरिएको परीक्षणमा काठमाडौंका एक जनामा संक्रमण पुष्टि भएको मन्त्रालयले जनाएको छ ।
पाटन अस्पताल काठमाडौंका पाँच, ललितपुरका दुई र भक्तपुर चार जनामा पुष्टि भएको छ ।
स्टार अस्पताल सानेपामा गरिएको परीक्षणमा काठमाडैंका पाँच र ललितपुरका एक जनामा संक्रमण भेटिएको हो ।
वीरेन्द्र अस्पताल छाउनीमा गरिएको परीक्षणमा काठमाडौंका तीन जनामा संक्रमण पुष्टि भएको मन्त्रालयका प्रवक्ता डा जागेश्वर गौतमले बताए ।