Read Time : < 1 मिनेट
२०७७ श्रावण १९ सोमबार १६:२९:००
श्रीमानले चलाएको मोटरसाइकलबाट लडेर घाइते महिलाको उपचारको क्रममा मृत्यु भएको छ ।
सोमबार बिहान सर्लाहीको हरिपुर नगरपालिका– ४ मलंगवा–नवलपुर सडकखण्डअन्तर्गत हरैयामा बा.९प ९९३५ नम्बरको मोटरसाइकलमा सवार सोही स्थान बस्ने ४० वर्षकी महिला सञ्जु देवी लडेर घाइते भएकी थिइन् ।
श्रीमानले चलाएको मोटरसाइकलबाट लडेर घाइते भएकी उनको जिल्ला अस्पतालमा सामान्य उपचारपश्चात् थप उपचारको लागि वीरगन्ज पठाइएको थियो ।
वीरगन्जको न्युरो अस्पतालमा उपचारको क्रममा उनकाे दिउँसो मृत्यु भएको आफन्तले बताएका छन् ।
मृतक देवी बिहान श्रीमानसँगै जिल्ला सदरमुकाम मलंगवातर्फ जाँदै गर्दा मोटरसाइकलबाट लडेकी प्रहरी नायव उपरीक्षक मदन कुँवरले जानकारी दिए ।
मृतकको शव वीरगन्जस्थित अस्पतालमै राखिएको छ । मोटरसाइकल प्रहरीले नियन्त्रणमा लिएको छ ।
