Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ असोज ३ शनिबार
  • Saturday, 19 September, 2020
रामकृष्ण थापा सिन्धुपाल्चोक
२०७७ श्रावण १९ सोमबार ०८:२०:००
मुख्य समाचार डिजिटल संस्करण

मेलम्चीमा पहिरोले घर पुरिँदा चार भारतीयसहित आठ बेपत्ता

रामकृष्ण थापा, सिन्धुपाल्चोक
२०७७ श्रावण १९ सोमबार ०८:२०:००

सिन्धुपाल्चोककाे मेलम्ची नगरपालिका– ११ मा पहिरोमा घर पुरिँदा भाडामा बस्ने चार भारतीयसहित आठजना बेपत्ता भएका छन् । मेलम्ची बजारस्थित स्वास्थ्य चौकीछेउमै रहेको सो घरलाई माथिबाट रूखसहित खसेको ढिस्कोले पुरेको स्थानीय श्याम खड्काले जानकारी दिए । 

मेलम्चीनिवासी देवलाल श्रेष्ठको घरमा व्यापार गर्न आएका चार भारतीय र स्थानीय व्यक्ति भाडामा बस्थे । पहिराेमा पुरिएका एकजनालाई जीवितै उद्धार गरी उपचारका लागि अस्पताल पठाइएको खड्काले बताए। 

इलाका प्रहरी कार्यालय मेलम्चीका प्रहरी निरीक्षक फलबहादुर तामाङले दिएको जानकारीअनुसार राति २ बजे घरमाथिको ढिस्को खसेर रूसहित आएपछि घर पुरिएको हो । 

नेपाली सेना, सशस्त्र प्रहरी र जनपथ प्रहरीसहितको टोलीले  पहिरोमा पुरिएर बेपत्ता भएकाहरूको खोजी गरिरहेको छ । घटनाबारे थप विवरण आउन बाँकी छ ।