Read Time : < 1 मिनेट
२०७७ श्रावण १८ आइतबार १५:१७:००
कर्णाली प्रदेशमा आइतबार गरिएकाे परीक्षणमा एकजनामा पनि कोरोना संक्रमण देखिएन ।
कर्णाली प्रदेशका विभिन्न ठाउँमा रहेका प्रयोगशालामा गरिएको परीक्षणमा एकजनामा पनि कोरोना संक्रमण नभेटिएको सामाजिक विकास मन्त्रालयअन्तर्गत स्वास्थ्य महाशाखाका प्रमुख डा. लक्ष्मीनारायण तिवारीले बताए ।
‘आइतबार एकजना पनि कोरोना संक्रमणका बिरामी फेलापरेका छैनन्,’ उनले भने, ‘शनिबार सल्यानमा एकजनामा कोरोना संक्रमण देखिएको थियो ।’
हालसम्म एक हजार सात सय २२ जना निको भएर घर फर्किएको डा. तिवारीले बताए ।
‘हाल सक्रिय संक्रमितका बिरामी दुई सय ११ जना रहेका छन्,’ उनले भने, ‘कोरोनाका कारणले ६ जनाको मृत्यु भएको छ ।’