Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ श्रावण ३० शुक्रबार
  • Friday, 14 August, 2020
नयाँ पत्रिका काठमाडौं
२०७७ श्रावण १६ शुक्रबार २२:१७:००
समाचार

उपरथी हमालले सम्हाले युएन सिरिया मिसनको नेतृत्व

नयाँ पत्रिका, काठमाडौं
२०७७ श्रावण १६ शुक्रबार २२:१७:००

नेपाली सेनाका उपरथी ईश्वर हमालले सिरियास्थित संयुक्त राष्ट्रसंघीय डिस्इन्गेजमेन्ट अब्जरभर फोर्स मिसनको नेतृत्व सम्हालेका छन् । हमालले १२ साउनमा मिसन प्रमुख तथा फोर्स कमान्डरको कार्यभार सम्हालेको जंगी अड्डाले जनाएको छ । मिसनको मुख्यालय सिरियाको गोलान हाइट्समा छ । जसले सिरिया र इजरायलबीचको युद्धविराम सम्झौताको अनुगमन गर्दै आएको छ । 

मिसनका कार्यबाहक प्रमुख अमेडो मिचेलीबाट हमालले कार्यभार बुझेका हुन् । कमान्ड बुझबुझारथ कार्यक्रममा शान्ति सैनिकको एक टुकडीले हमाललाई सम्मान गारत अर्पण गरेको थियो । उपरथी हमालले मिसनका लक्ष्य हासिल गर्नु आफ्नो पहिलो प्राथमिकता रहेको बताए । हमाललाई संयुक्त राष्ट्रसंघका महासचिव एन्टोनियो गुटेरसले १२ फागुनमा फोर्स कमान्डर तथा मिसन प्रमुखमा नियुक्त गरेका हुन् । यसअघि सो मिसनमा प्रधानसेनापति पूर्णचन्द्र थापा, पूर्वरथी बालानन्द शर्माले नेतृत्व सम्हालेका छन् ।